La sierra de Pelarda u sierra Pelarda ye una sierra de la branca aragonesa de lo Sistema Iberico a lo sud de la Sierra d'Orich Tomás Sanz Serrano: Serranías de Cucalón: guía general de las sierras de Cucalón, Oriche y Fonfría. CEJ-Comarca del Jiloca, 2007. , p 12..
Plega dica los 1.510 m en l'alto de Pelarda y dica los 1.492 m en La Retuerta. Eduardo Viñuales Cobos: Red Natural de Aragón. Jiloca nº 18, 2007, pp 106-111.
Lo terreno de la Sierra de Pelarda ye en los termins municipals de Beya, Fuent Frida, Allueva y Calamocha. Adintro de lo termin de Calamocha corresponde en part a los antigos termins municipals d'Olalla, Cutanda y Nueros.
Encara que actualment tienga una morfolochía serrana, los materials cenozoicos d'esta sierra perteneixen a la depresión de Calatayú y Mont Albán igual como los de sierra Pedregosa, lo que da ideya de prolongaus procesos erosivos que han afectau a muela d'Anadón y a las sierras d'Orich, Mont Albán, Sant Chust, la Costera y Lidón.
Toponimia La sierra de Pelarda prene lo suyo nombre de la pardina de Pelarda, antiga aldeya despoblada de la Comunidat de Daroca. Actualment en castellano recibe tamién la denominación de sierra de Fonfría, que a la vegada da nombre a un Puesto d'Importancia Comunitaria.
Hidrolochía La versant nord-este desaugua enta La Uerba u enta lo río Aguas, la sud-ueste desaugua enta lo río de Barrachina a traviés de cursos d'augua menors como lo barranco de la Riera y la riera de Pelarda.
Referencias
Bibliografía J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194. Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
*