Los islandeses (en islandés íslendingar) son los habitants nativos d'Islandia. Charran una luenga chermanica septentrional propia, lo islandés. Estioron lo zaguer pueblo norrén en cristianizar-se, estando actualment luteranos.
Relichión En la Islandia medieval estió present lo cristianismo celta antigo de los gaels y la relichión politeísta escandinava de los colons noruegos. Con lo tiempo fue predominando lo cristianismo catolico. L'aislamiento y una duración mes gran de lo paganismo permitioron que la literatura islandesa reflectase temas y elementos pagans.
En lo sieglo XVI los daneses lis imposoron lo luteranismo.Amiram Gonen. Diccionario de los pueblos del mundo Editorial Anaya.
Actualment una minoría ha preso la relichión neopagana de l'odinismo, con elementos presos de l'antiga relichión politeísta escandinava, y reconoixida por lo estato.
Luenga
Lo islandés ye clasificau como una luenga de grupo occidental adintro de las luengas chermanicas septentrionals. D'entre las luengas mes cercanas, i son lo feroés y lo neonoruego (u noruego nynorsk).
Ye una luenga flexiva. Los neolochismos se creyan traducindo radices foranas por radices islandesas. Fa servir l'alfabeto latino con dos letras antigas no guaire comuns, la letra þ y la letra ð
Lo islandés escrito ha cambiau relativament poco dende lo sieglo XIII. Ixa ye la razón por la cual los parlants d'islandés moderno pueden encara leyer, alto u baixo, las sagas islandesas y los eddas en la suya versión orichinal, tarcual fuoron escritas fa ya uns ueitocientos anyos. Esta forma de la luenga se diz islandés antigo, pero ye lo mesmo que parlar de norrén antigo, vocable que abraca las variedaz de la luenga escandinava comuna de los tiempos vikingos.
Referencias
Bibliografía Fernández-Armesto, Felipe. Los hijos de Zeus. Pueblos, etnias y culturas de Europa. Editorial Grijalbo, 1996. Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500. Sellier, Jean. Atlas de los pueblos de Europa Occidental. Editorial Paidós.
* Categoría:Pueblos chermanicos septentrionals Categoría:Etnias d'Islandia