L'apelliu Lascorz (castellanización de «las Corz») ye un apelliu toponimico aragonés procedent d'a comarca de Sobrarbe, en norte de l'actual provincia de Uesca.
Tiene tres oríchens cheograficos diferents que han dau lugar a tres diferents linaches que lievan l'apelliu sin necesidat d'estar emparentaus d'entre éls: O mas antigo documentau, en Lamata (val d'o Susía, Viello Sobrarbe) data d'a segunda metat d'o sieglo XIV, y ta los de Plan (val de Chistau) y de a Foradada d'o Toscar (Puerto d'a Foradada) as suyas datacions mas antigas datan, en toz dos os casos, de o sieglo XVI.
Se'n tiene documentaus dos d'os blasons, o que corresponde a o casal de Lamata y o que corresponde a o casal de Plan. Son diferents d'entre éls, o que concuerda con as diversas oríchens de l'apelliu.
Categoría:Apellius toponimicos aragoneses Categoría:Apellius aragoneses d'etimolochía latina