Iste articlo ye sobre una edificación d'os Estaus Unius ta atros usos, se veiga Partenón (desambigación).
O Partenón de Nashville, Tennessee, ye una replica a escala real d'o Partenón d'Atenas. Se construyió en 1897 como parte d'a Exposición d'o Centenario de Tennessee, en a que se celebraba o centenario d'a unión d'iste estau a os Estaus Unius. El Partenón de Nashville.
Construcción ta a Exposición d'o Centenario de Tennessee thumbnail|left|250px|Exposición d'o Centenario de Tennessee. Se construyió ta estar a pieza central d'a feria de 1897 de conchunta con atros edificios, tamién basaus en orichinals antigos tals como as piramides d'Echipto. Ista primera versión de l'edificio yera construida de escayola, fusta y ladriello ya que, en primeras, l'edificio iba a estar desmontau una vez rematada a exposición, tal como se fació con a resta d'edificios d'o Parque d'o Centenario.
Manimenos, a construcción fació goyo tanto por o suyo realismo que a ciudat de Nashville decidió conservar-lo. Atamas d'ixo, l'edificio heba estau construiu con a intención de destruyir-lo dimpués d'a exposición, por o que a construcción no yera prou cerenya. Asinas, en 1920 o molimento fue destruyito, y en o puesto que antes ocupaba se construyió una segunda versión muito mas estable y fidel a o Partenón orichinal. En ista segunda versión participoron a-saber-los especialistas que estudioron minuciosament o Partenón d'a Acrópolis d'Atenas, realizando reproduccions d'as estatuas que son moldes d'as esculturas orichinals que adornoron o Partenón ateniense, as cuals son d'o 438 a.C. Amás, o monumento poseye una decoración policromada igual a la que en teoría poseyeba l'orichinal.
Estatua d'Atena Partenos thumb|left|A reconstrucción d'a estatua d'Atena Partenos en l'actualidat. A reconstrucción d'a estatua d'Atena Partenos, creyada en 1990 por Alan LeQuire, ye o centro d'o Partenón. Ha estau reconstruida seguntes se creye que habió d'estar a orichinal, perdida fa muito tiempo. Ista estatua tiene una altaria de bels 13 metros y ye recubierta d'oro.
A escultura amuestra a la diosa Atena Partenos vestida con armadura y casco, con un escudo en o suyo brazo ezquierdo, una chicota estatua d'a victoria en a suya man dreita y una colosal sirpient que se debanta entre a diosa y o suyo escudo. A escultura, que en primeras no yera dorada, fue recubierta d'oro en 2002. Amás ye considerada a escultura d'interior mas gran d'o mundo occidental.
En l'inte de definir as suyas midas finals, se prenió a decisión de que os visitants en dentrar quedasen a l'altaria d'os piez d'a escultura, o que fa sentir muit chicoz debant d'a diosa.
Referencias
Vinclos esternos Web d'o Partenón de Nashville.
Categoría:Edificios d'Estaus Unius Categoría:Museus de Tennessee