Julián Borderas Pallaruelo, (dito O Sastre) naixito de Chaca (Chacetania, Uesca) en 1899 y muerto en Ciudat de Mexico (Mexico) en o exilio en 1980, estió un politico aragonés, con destacata actividat politica en Aragón en a Dictadura de Primo de Rivera, a Segunda Republica Espanyola y a Guerra Civil Espanyola.
A dictadura de Primo de Rivera En 1928 (durant a Dictadura de Primo de Rivera) Borderas, que yera alavez o propietario d'una chicota sastrería, estió o fundador de l'Agrupación de Chaca d'o Partido Socialista Obrero Español. Antonio Gascón Ricao: 11 Pequeñas Biografías. Julián Borderas Pallaruelo, el Sastre. Asinas, en ixe mesmo anyo partecipó en o Congreso Federal d'o Partiu en representación d'a militancia socialista chaquesa. El movimiento obrero en Sabiñánigo 1931-1936, en Amigos del Serrablo.
A Sublevación de Chaca O 12 d'aviento de 1930, Borderas prenió parte en a Sublevación de Chaca d'os capitans Fermín Galán, Ángel García Hernández, Salvador Sediles, Miguel Gallo Martínez y Luis Salinas, chunto con atros politicos chaqueses, como Antonio Beltrán Casaña u Alfonso Rodríguez Subirana. O mesmo día d'a Sublevación, s'establió una Chuina Provisional Republicana, que nombró a l'alcalde provisional (Pío Díaz Pradas) y unos rechidors tamién provisionals, estando-ne uno Julián Borderas. Esteban C. Gómez: La insurrección de Jaca. Los hombres que trajeron la República. Ed. ESCEGO (edición personal), Barcelona, 3ª edición, chinero de 2005. ; pachina 291. Engarcholato por a suya participación, fue liberato en abril de 1931 dimpués d'a proclamación d'a Segunda Republica Espanyola.
A Segunda Republica En as eleccions chenerals de febrero de 1936 en Espanya, Borderas fue esleito deputau en o Congreso d'os Deputaus por a provincia de Uesca. Diputados del PSOE en la II República en www.exiliados.org. Recibió 47.582 votos. La Vanguardia d'o 21 de febrero de 1936.
A Guerra Civil O 18 de chulio de 1936, dimpués d'o pronunciamiento militar, Borderas, con l'alcalde de Chaca Julián Mur, Antonio Beltrán Casaña y atros luitoron contra os sublevatos, encara que dimpués habioron de retirar-se-ne ta Francia.
En tornar ta a zona republicana por Catalunya, Borderas estió uno d'os colaboradors d'Antonio Beltrán ta organizar as unidaz militars de republicanos fuyitos d'as zonas controlatas por os sublevatos en Chacetania y en Cinco Villas. Con els formoron grupos que dimpués estioron o Batallón Alto Aragón y o Batallón Cinco Villas, d'a 130ª Brigada Mixta y a 43ª División. Borderas estió comisario politico d'a 130ª Brigada Mixta, mandata por Mariano Bueno Ferrer, y dimpués estió comisario en o X Cuerpo d'Eixercito de Miguel Gallo Martínez.
O exilio Dimpués d'a redota en a guerra, Julián Borderas s'exilió en Mexico, a on morió en 1980, vivindo-ie d'o suyo treballo como sastre. Tamién colaboró en o cine mexicano, Películas del cine mexicano: Pepita Jiménez (1945). y en plegar ta Mexico a Junta de Auxilio a los Republicanos Españoles li encargó fer ropa ta os exilatos. Actas de la JARE, Archivo Carlos Esplá.
Vinclos externos Antonio Gascón Ricao: 11 Pequeñas Biografías. Julián Borderas Pallaruelo, el Sastre. Resultatos d'as eleccions de 1936 en Chacetania, con os votos de Julián Borderas en bells municipios. Más resultatos, en a revista Amigos del Serrablo.
Referencias
Categoría:Militars d'a Guerra Civil Espanyola Categoría:Muertos en Ciudat de Mexico Categoría:Naixius de Chaca Categoría:Politicos d'Aragón Categoría:Politicos d'o Partido Socialista Obrero Español Categoría:1899 (naixencias) Categoría:1980 (muertes)